燒肉一番 (已結業)

燒肉一番係葵芳新開嘅燒肉店，主打平民價錢😉 店內嘅裝修好有日本風味，以簡約為主，啲座位都幾闊落♥️地哋一行九人，一個叫咗約5-6個燒肉餐，大家買單大概$100左右，非常抵食！店內牛肉同豬肉部位嘅類別選擇都好多，海鮮嘅菜單選擇就中中等等啦！我地叫咗2個牛肉三食套餐、一個安格斯牛套餐、2個一番盛合套餐，仲有芝士年糕、吉列蠔同埋多春魚。呢個價錢其實對於肉類嘅質素要求都唔會太高，啲鮮肉上菜嘅時候仲有一層融雪🥶 應該係響雪櫃拎出嚟嘅時候仲未夠解凍😶‍🌫️ 個人覺得豬腩肉落鹽加黑椒燒嘅時候比較食到肉味。牛肉類嘅話鮮味唔係好夠，咬口就不過不失🥩多春魚嘅腥味較重👀 入邊嘅魚子唔算多，另外我覺得佢嘅軟骨都比較多，唔建議試🫡每個燒肉套餐都包一碗飯、一個麵豉湯同埋一個前菜。麵豉湯同埋菜嘅質素個人覺得同吉野家嘅水準差唔遠🤣 不過Menu最平嘅餐大概60幾蚊唔使+1就可以買單，所以午市或者晚市想平食燒肉嘅話係一個唔錯嘅！