KOL Bakery (已結業)

之前朋友話呢間麻薯包好食，老公公司喺附近，就叫佢去睇吓，點知佢行過去有少少唔就腳。我同佢講如果超過$20就睇吓先，太貴就唔買，去到見買二送一，每個計落$12，價錢合理唔貴。買咗三款，賣相都幾靚，一款紫色應該係芋頭，一款綠茶裏面有紅豆餡，另一款佢話咖啡，裏面係朱古力餡。因為放工買返嚟我都係預聽日食，返熱之後麵包好鬆軟啲餡唔係好甜，但紫色嗰個芋頭我覺得普通冇乜特別，唔多覺有芋頭味，綠茶就幾好食，老公話咖啡嗰個都幾好，如果呢個優惠冇變，$12個唔貴，下次可以試吓其他款，不過我不嬲都鍾意食綠茶呢個一定要再試。