影片
更多
2021-05-13
474 瀏覽
小編之前睇飲食男女介紹，老闆係前四季酒店嘅廚師，相信賣嘅食物係有一定嘅質素，所以前幾日就去試下(遲到好過冇到😂)。P.S. 各位放心，小編係有用消毒噴霧同清水前前後後各反覆抹過張枱3次，先敢擺喺度影相，大家出門都記得要注意衛生喔。------------------------------惡魔爆芝多士 ($38)小編今次嗌咗全份多士，酸種麵包烘到外脆內鬆軟，唔會太過濕潤，一㩒就扁，仲有少少烘烤過嘅燶香散發喺口中🤤。內餡嘅芝士應該係Mozzarella加Red Cheddar，份量非常澎湃，食到底都仲有。芝士拉絲效果滿分😍，香味十足，亦唔嚡口。再配埋炒過嘅洋蔥同些少煙肉，味道香濃😋，鹹甜夾雜，又唔會太膩太漏，都夠飽肚。小編自己作為芝士控，會覺得奶香可以再多啲，但呢個質素亦都好滿意。------------------------------Tiramisu (跟餐甜品 +$12)胃口大嘅朋友亦可以追加佢哋嘅甜品，非常抵食。手指餅餅底足夠濕潤，充滿杏仁嘅味道😆，Cream嘅口感亦都好軟滑，兩者嘅味道都偏甜，不過係喺小編可以接受嘅範圍。配上中層嘅海綿蛋糕軟綿同面層少許苦澀嘅可可粉，可以平衡返
P.S. 各位放心，小編係有用消毒噴霧同清水前前後後各反覆抹過張枱3次，先敢擺喺度影相，大家出門都記得要注意衛生喔。
------------------------------
惡魔爆芝多士 ($38)
小編今次嗌咗全份多士，酸種麵包烘到外脆內鬆軟，唔會太過濕潤，一㩒就扁，仲有少少烘烤過嘅燶香散發喺口中🤤。
內餡嘅芝士應該係Mozzarella加Red Cheddar，份量非常澎湃，食到底都仲有。芝士拉絲效果滿分😍，香味十足，亦唔嚡口。再配埋炒過嘅洋蔥同些少煙肉，味道香濃😋，鹹甜夾雜，又唔會太膩太漏，都夠飽肚。小編自己作為芝士控，會覺得奶香可以再多啲，但呢個質素亦都好滿意。
------------------------------
Tiramisu (跟餐甜品 +$12)
胃口大嘅朋友亦可以追加佢哋嘅甜品，非常抵食。
手指餅餅底足夠濕潤，充滿杏仁嘅味道😆，Cream嘅口感亦都好軟滑，兩者嘅味道都偏甜，不過係喺小編可以接受嘅範圍。配上中層嘅海綿蛋糕軟綿同面層少許苦澀嘅可可粉，可以平衡返個甜味，同時亦令個甜品更有層次感，性價比好高。
------------------------------
整體評分：7.7/10
小編回頭率：7/10
小編之前喺網上見到茶芝味嘅店主當初好積極咁幫助佢哋，呢個亦係小編自己好希望喺黃色經濟圈見到嘅同舟共濟嘅精神，呢一兩年我哋面臨好多考驗，但我相信呢啲考驗可以令我哋學識守望相助，拉近我哋嘅距離，令我哋更加團結。
最後，希望大家可以去支持下芝士叔叔，支持黃色經濟圈💛。
惡魔爆芝多士 (全份)
$38
33 瀏覽
1 讚好
0 留言
Tiramisu
$22
15 瀏覽
0 讚好
0 留言
張貼
