Mad for Garlic (已結業)

今晚一家人去到Mad for Garlic食晚餐,因為我哋成家都好鍾意食蒜頭阿爸就叫咗一份蒜頭牛柳，六成熟，肉質好軟熟，加上蒜頭，令到肉汁嘅味更為突出，好香呀我就叫左一份蒜頭菠蘿pizza, 侍應喺上面灑上芝士條呢樣食物係我覺得餐廳煮得最好味嘅，因為有甜嘅菠蘿，加上蒜頭味同埋薄脆嘅餅底，簡直一流細佬叫咗蟹肉龍蝦意粉，你見到相裏面龍蝦同埋蟹肉都極多，食到我哋好滿足，又多汁！阿媽叫咗太陽蛋炒牛肉飯，我覺得最特別嘅係啲醬汁。醬汁有啲似泰式嘅酸甜醬，混埋一齊估唔到又有另一番風味，好特別最後我再叫咗一點甜品就係佢哋自家製嘅tiramisu要大力推介呢碟甜品，因為佢哋做多既餅好鬆脆之餘，成個tiramisu都好creamy, 將餅沾滿啲cream同甜酒後，好好味！