影片
更多
2021-09-01
59 瀏覽
觀塘返工撚一定要食，之前返工食lunch同朋友食過，覺得佢同一般泰國餐廳冇乜分別。值得一提嘅係lunch會附送泰湯（冬陰功湯或者酸酸辣辣嘅椰子雞湯）。殊不知有一日有個同事推介我夜晚走去食，就番唔到轉頭。仲要係逢星期一至四有特價（咖喱蟹同咖喱蝦）。今次係第二次黎食 所以識叫喇😉 叫咗佢個咖喱蝦$138（比較抵食對於咖哩蟹）配兩客必食嘅蒜蓉包$30each，包你地食過返尋味。咖喱蝦：佢個咖喱係有加蛋花，好掛汁個種，好鮮甜又唔會辣，咖喱味香有好重嘅椰汁香，入邊有啲洋蔥、三色椒、芫荽、韭菜、蔥etc 而佢個蝦炸得好香脆 大大隻好抵食。重點講佢嘅蒜蓉包：真係泰坊名物，佢係超厚方包切成條狀，即叫即焗外脆內軟、佢四面都擦滿蒜蓉牛油、超級香濃超級惹味、點埋啲咖喱一齊食將依個蒜蓉包昇華左另一個層次。今餐兩個人食，食到好飽好滿足，$200有找，下次先識佢個蟹，一定再番黎幫襯。評分：8.7/10
殊不知有一日有個同事推介我夜晚走去食，就番唔到轉頭。仲要係逢星期一至四有特價（咖喱蟹同咖喱蝦）。
今次係第二次黎食 所以識叫喇😉 叫咗佢個咖喱蝦$138（比較抵食對於咖哩蟹）配兩客必食嘅蒜蓉包$30each，包你地食過返尋味。
咖喱蝦：佢個咖喱係有加蛋花，好掛汁個種，好鮮甜又唔會辣，咖喱味香有好重嘅椰汁香，入邊有啲洋蔥、三色椒、芫荽、韭菜、蔥etc 而佢個蝦炸得好香脆 大大隻好抵食。
重點講佢嘅蒜蓉包：真係泰坊名物，佢係超厚方包切成條狀，即叫即焗外脆內軟、佢四面都擦滿蒜蓉牛油、超級香濃超級惹味、點埋啲咖喱一齊食將依個蒜蓉包昇華左另一個層次。今餐兩個人食，食到好飽好滿足，$200有找，下次先識佢個蟹，一定再番黎幫襯。
評分：8.7/10
張貼
