翠榮雞煲火鍋

營業中

休息中

打邊爐我既必須裝備，指天椒豉油，依度無蒜蓉提供，慘 ﹗胡椒豬肚雞煲一隻，前幾次都係食奇味雞，轉一轉啦。發現半隻雞係唔夠我地兩個人食架，以後都食一隻好，唔洗爭。奇怪地，今次啲雞食極都有喎，係咪依家轉左用大雞呢？還是奇味雞隻雞係細隻好多呢？今次仲比以前多左好多豬肚添呢，起碼有十片，以前得幾片架乍。豬肚有酒香，質感軟棉又索左胡椒香味，好食 ﹗雞肉嫩滑味道甜美亦帶胡椒香，都好食 ﹗咸菜胡椒豬肚湯煲完雞後勁好飲呀，無投訴啦。胡椒咸菜豬肚雞煲，滾到中段湯底更濃郁，加埋菜同肉，味道更香更甜，好飲到痺呀 ﹗明知道飲完咁濃既胡椒湯會勁渴，話之佢喇，飲勝 ﹗手切本地牛肉細，即係本地牛頸脊囉 ﹗新鮮牛肉味濃香甜，口感滑溜，好好食 ﹗缺點就係太薄囉 ﹗同肥牛唔同架，要切厚一點，口感會更彈更有趙口，肉汁會更豐富架 ﹗如果再肥美啲、再油潤啲就更好啦。我地自家打邊爐就會去太和買新鮮牛頸脊，肉汁澎湃、味道鮮甜無比 ﹗勁抵食 ﹗金菇一份，爽口又香甜。雞子半份得五粒仔點夠我食呀，外脆肉嫩再滲入胡椒香味，正 ﹗豬潤半份咁多既，灼一灼爽口嫩滑，太耐會又乾又鞋架。竹笙索湯高手，特濃胡椒味，食唔停口。生菜併皇帝菜，我唔食皇帝菜呢