影片
更多
2017-10-22
161 瀏覽
我係海鮮怪，難得今晚家庭聚會選址潮福蒸汽石鍋，當然舉手贊成。😍😍唔好見怪，小妹咁耐以來都未試過蒸氣石鍋，屋企人成日大贊用蒸氣石鍋整的食物又鮮又甜，搞到我十分之期待！我地一行廿幾人，點了套餐。坐底冇幾耐店員就拿了一隻生猛的亞拉斯加蟹俾我地睇，超大隻，蟹蓋目測都大過我隻手掌！首先品嚐燉湯，燉湯好麻麻，上枱時只是微暖，而且淡而無味，老火湯都吾配，感似溝了水。燉盅是崩的，拿上手也有點痴lup lup。好彩只係一個湯，吾會影響個石鍋。侍應姐姐將整粥底的材料倒進石鍋入面，然後放一個有好多孔的蒸架係上面，目的係將海鮮肉汁菜汁的鮮味精華滴落石鍋做粥底。最後蓋上籐製的「籐帽」蒸，就大功告成。大家一路食吾駛驚蒸過龍，因為每一種食物都有專人幫你落，計時，開蓋，上碟。真心佩服侍應姐姐的熟練和細心，要「看守」幾檯但食物並冇因爲要等而蒸到老晒。食物方面，有乳鴿，蒸蓉粉絲蒸扇貝，龍躉，青口，蕃薯貝，亞拉斯加蟹，滑雞，安格絲牛柳粒，絲瓜，白蘿蔔，南瓜和馬拉糕。個人最鐘意就係隻蟹同青口，好juicie 好鮮味，吾駛點豉油，點豉油反而遮蓋了食物本身的味道。整個蟹蓋都是蟹膏，食到小朋友都舔舔脷要encore. 不過蔬菜略嫌
唔好見怪，小妹咁耐以來都未試過蒸氣石鍋，屋企人成日大贊用蒸氣石鍋整的食物又鮮又甜，搞到我十分之期待！
我地一行廿幾人，點了套餐。坐底冇幾耐店員就拿了一隻生猛的亞拉斯加蟹俾我地睇，超大隻，蟹蓋目測都大過我隻手掌！
首先品嚐燉湯，燉湯好麻麻，上枱時只是微暖，而且淡而無味，老火湯都吾配，感似溝了水。燉盅是崩的，拿上手也有點痴lup lup。好彩只係一個湯，吾會影響個石鍋。
侍應姐姐將整粥底的材料倒進石鍋入面，然後放一個有好多孔的蒸架係上面，目的係將海鮮肉汁菜汁的鮮味精華滴落石鍋做粥底。最後蓋上籐製的「籐帽」蒸，就大功告成。大家一路食吾駛驚蒸過龍，因為每一種食物都有專人幫你落，計時，開蓋，上碟。真心佩服侍應姐姐的熟練和細心，要「看守」幾檯但食物並冇因爲要等而蒸到老晒。
食物方面，有乳鴿，蒸蓉粉絲蒸扇貝，龍躉，青口，蕃薯貝，亞拉斯加蟹，滑雞，安格絲牛柳粒，絲瓜，白蘿蔔，南瓜和馬拉糕。個人最鐘意就係隻蟹同青口，好juicie 好鮮味，吾駛點豉油，點豉油反而遮蓋了食物本身的味道。整個蟹蓋都是蟹膏，食到小朋友都舔舔脷要encore. 不過蔬菜略嫌份量太小，如果有多點菜食就好了。
最後個粥底都好正，不過有咁多海鮮，再加埋滑雞的雞油，想吾好味都難啦，係符合合理的預期之中既。
唯一美中不足係衛生有進步的空間，雖然大部份的中式酒家也是特別係廁所出面的地下很滑，如果舖多一些防滑地毯會安全一點。行到一步一驚心，一陣間跌底就吾好啦。
呢度有代客泊車，$50 一架車，ok 啦~
張貼
