潮福蒸氣石鍋 (已結業)

蒸氣火鍋最近都好hit，而且全部蒸到剛剛好，鮮味又健康。今次又嚟左潮福，呢度蒸氣火鍋，除左指定海鮮，安格斯牛，手打丸，蝦丸及其他食材，全部任食，仲有啤酒蔗水任飲，三百幾的確幾抵。選了淮山瑤柱粥底，預先放米，氣鍋自然湧出蒸氣同水，慢慢煲，最後蒸晒先食粥，精華係晒度超正。任食餐包每人半隻燒乳鴿，可以頂住肚先，熱辣辣，脆皮，幾好味。蜆拼盤，都幾多，好鮮甜，自然海水味濃，完全唔駛醬料。蒸龍蝦，大隻又鮮味仲有膏。 桶蠔係我至愛，好大隻又肥又重蠔味，正丫。牛肉，可任叫，有牛味，又唔太肥。另外蔗糖馬拉糕係推介，又鬆軟，又香，好食!整體都唔錯，任飲又任食，有專人serve,係朋友gathering既好選擇。