影片
更多
2020-03-03
988 瀏覽
成日打邊爐都打到悶，今日朋友介紹我哋嚟食呢間位於街市熟食中心嘅老字號蒸氣火鍋放題，食新鮮海鮮來講呢個價錢任食真係非常之抵 蒸氣火鍋來講我絕對係新手，好彩呢度嘅餐牌有寫到明每樣食品嘅烹調時間，確保我哋食客唔會overcook 浪費左咁新鮮嘅食材。一上海鮮盤我同朋友就比佢個size震撼左，兩個人嘅份量真係好多，雖然呢d貴價海鮮唔係任食，但係呢盤就足以值回票價啦。近影都見到啲海鮮色澤非常之靚，令人食指大動。由於我同朋友太肚餓嘅關係我哋一次過放咗好多嘢上去蒸。蒸氣海鮮嘅重點之一就係佢哋冇咩調味，着重於海鮮嘅鮮甜味，如果海鮮一唔新鮮就好容易食得出。聖子吐沙吐得好乾淨，處理食材一啲都唔馬虎，蒸完之後肉質彈牙而且鮮甜。大大隻肉蟹，蟹鉗好多肉，侍應服務好周全，畀晒工具方便我去食蟹。石斑成條上咁大條真係好奢侈蟲草滑雞份量多到蒸左幾round先蒸完，時間掌握得好嘅話雞肉好嫩滑juicy。其實食完海鮮拼盤之後已經好飽，不過既然佢包埋打邊爐咁就順便過埋打邊爐嘅癮我地叫咗香辣炒蟹，真係炸得好香脆，啱晒我呢啲重口味人士，非常惹味。頭先食咗海蝦，依家都要繼續食，質素依然保持到食咗咁多海鮮都要叫番啲肥牛同蔬菜來中和下
蒸氣火鍋來講我絕對係新手，好彩呢度嘅餐牌有寫到明每樣食品嘅烹調時間，確保我哋食客唔會overcook 浪費左咁新鮮嘅食材。
一上海鮮盤我同朋友就比佢個size震撼左，兩個人嘅份量真係好多，雖然呢d貴價海鮮唔係任食，但係呢盤就足以值回票價啦。
近影都見到啲海鮮色澤非常之靚，令人食指大動。
由於我同朋友太肚餓嘅關係我哋一次過放咗好多嘢上去蒸。蒸氣海鮮嘅重點之一就係佢哋冇咩調味，着重於海鮮嘅鮮甜味，如果海鮮一唔新鮮就好容易食得出。
聖子吐沙吐得好乾淨，處理食材一啲都唔馬虎，蒸完之後肉質彈牙而且鮮甜。
大大隻肉蟹，蟹鉗好多肉，侍應服務好周全，畀晒工具方便我去食蟹。
石斑成條上咁大條真係好奢侈蟲草滑雞份量多到蒸左幾round先蒸完，時間掌握得好嘅話雞肉好嫩滑juicy。
其實食完海鮮拼盤之後已經好飽，不過既然佢包埋打邊爐咁就順便過埋打邊爐嘅癮
我地叫咗香辣炒蟹，真係炸得好香脆，啱晒我呢啲重口味人士，非常惹味。
頭先食咗海蝦，依家都要繼續食，質素依然保持到食咗咁多海鮮都要叫番啲肥牛同蔬菜來中和下，值得一讚嘅係上菜時間真係好快，落左單之後好快送到。
除咗普通嘅出前一丁外，佢哋仲提供左啲粥米，我哋煮埋粥底火鍋來食，打完邊爐之後個湯底吸收晒之前食材嘅味道，d粥煮得非常入味，不過如果想食淋啲嘅粥就要煮耐d。估唔到嚟呢度食蒸氣火鍋一次過滿足晒我食海鮮，打邊爐，粥底火鍋，三個願望
總括來講真係好抵食，食完之後飽到上心口，質素又有保證，不愧由1972年開到而家。
張貼
