真味鮮廚 (已結業)

今次一班中學舊同學8個人去到觀塘亞太中心真味鮮廚，品嚐蒸氣石鍋，剛剛好叫個8人  $2288《蒸氣石鍋全包餐》包左加一及茶介。個餐都好多野食，包括有：每人半只龍蝦仔、半隻走地雞、一條兩斤重的沙巴龍躉、8只鮮鮑魚、1碟安格斯牛肉、白蜆、刀貝、豬肉丸、手打蝦丸、勝瓜、淮山、百合、蕃薯等，還有瑤柱咸排骨粥底。飲品就有兩渣竹蔗水。聽說之前晚晚都坐滿人，仲要等位先食到，不過琴晚就坐左一半客人左右，未知係咪因為咁，海鮮去得唔夠快，8只鮮鮑魚中，有兩只壞了，服務員都好心幫我地換過兩只。如果大家光顧記得留意，免得肚子痛。講番其他食物，整體都算不錯的。食蒸氣石鍋最驚煮唔熟，煮得熟又驚海鮮太過熟唔好食。酒樓都好貼心，有張紙教你邊樣煮幾多分鐘，食完都証實到張紙無老點既，不過如果大家驚既，都可以加多1-2分鐘既，不過過熟就唔好話我。海鮮方面，龍蝦都好新鮮，開左邊放落個鍋到都仲識喐。沙巴龍躉每人都分到唔少肉，白蜆刀貝夠鮮甜。肉方面：安格斯牛肉，就咁睇都知唔差，豬肉丸、手打蝦丸食落都唔錯，雞就一般。勝瓜、淮山、百合、蕃薯，各樣都不過不失。瑤柱咸排骨粥底，估唔到睇落好似得少少，原來整出黎都夠8個人食，個粥吸收晒全晚