海港酒家

營業中

休息中

今日放假同三個老人家飲茶！不過今日就有一個不愉快嘅經歷！首先，我覺得係Reception 個位女士無咩禮貌，可以係張臺面上打開張 顧客記錄表，我去政府部門填寫登記表都唔會咁做！就算要對資料都係拎埋自己睇到嘅位置！呢樣野要改善下！同埋佢從來冇講過冷氣壞咗！有啲焗，入到去無冷氣，焗到老人家流晒汗，點好意思啊？好在經理識做！free 左茶位同我哋道歉！侍應觀察能力都有好大改善嘅空間！唔好要個客大聲叫你先比到反應來！咁好影響個氣氛，同埋大家都唔好受！嘢食方面，就普普通通！賣相就真係欠佳！食物嘅味精都頗多！燒賣就係足料，但係比較林啤啤！排骨就有啲偏鹹，食得出係多味精！蛋散就係比較好嘅表現！夠脆！豬肚就不過不失，但係個質素就差咗少少，爛爛地，個口感唔係太好受，有改善空間！湯底都係似係味精湯！都係需要改善！至於腸粉就，又係賣相唔好而影響個口感，同埋有啲油！整體來講真係好普通！服務方面，除咗經理係可以之外，其他都有好大改善空間！