龍德樓 (已結業)

今晚去左荔枝角上堂，成九點先去食飯，諗左一陣都唔知去邊度食好，朋友突然話不如去Aeon超級市場附近搵下有乜食，原來呢度都有好多食店。朋友話龍德樓啲湯好出名，就決定入去試下。因為都已經過咗食飯時間，所以已經唔係太多人，餐牌上原來都有好多原煲蒸飯，仲有好多唔同款式嘅燉湯添，今晚就叫左個鱆魚雞粒飯、鳳爪排骨飯、原煲蒸飯仲可以優惠價配燉湯一盅，我地加左杏汁菜膽燉白肺、淮杞螺頭燉竹絲雞，D湯又真係足料又好味。