小糖鈕甜品專門店 (已搬遷) 新店位置

元朗絕對係新的美食天堂，除咗有傳統美食，亦進駐咗好多年輕的食肆。一直以黎，講到飯後甜品，大家一定會想起老字號涼粉，但假如想同另一半撐枱腳，以平民價錢，享受五星級一流嘅甜品，就一定要到《小糖鈕》。《小糖鈕》位於舊涼粉舖同一條街入少少。地點不算方便，但可算是隱世酒店級甜品小店，加上老闆對甜品的熱誠和功夫，絕對能打動你心。一入去，就瀰漫著小店簡約且有特色嘅感覺，牆壁上以及燈罩，都用上各式各樣嘅鈕釦， 貫徹店名主題，給人一種輕鬆自在嘅感覺。入返正題，呢度嘅 signature 甜品有成十多種，而且每一款無論口感，味道，擺碟都各有特色，如果係sweet sweet情侶幫襯，就一定要點招牌大糖鈕拼盤，裡面有五種主打甜品，同三款神秘甜品，保証每一啖都係驚喜。首先食嘅係暖love love嘅Apple crumble, 玉桂嘅芳香，配上酸甜嘅蘋果，簡直係絕配，上層crumble碎，以及炸蘋果絲脆卜卜，配上濃濃的movenpick雲呢拿雪糕，那種冰火感覺，令人陶醉。第二樣熱食係玉桂南瓜脆焗芝士卷，賣相有點似中式點心中的炸芋角，外層鬆脆，裡面係南瓜蓉加上芝士，微甜得黎帶點芝士嘅咸香，整個食晒可能會有點飽，