灑家粥麵 (已結業)

上個客度傾野, 就響商場搵野食左先, 一個人是是但但就入左呢間灑家, 睇睇下先知原來蔡瀾題字, 間野好似好有來頭咁.坐位都有幾多, 而且闊落, 啱晒D返工人士, 而且地方都幾乾淨光猛.呢度出名細蓉, 就要個細蓉試試. 份量唔算多, 一個大男人可能午餐唔夠飽. 先飲個湯, 幾香夠清亦唔算太味精. 麵質好爽口彈牙, 食到索索聲, 亦唔太鹼水味. 雲吞隻蝦夠大, 蝦膠打得爽口, 夠新鮮皮又薄.