牛陣 (iSQUARE國際廣場)

營業中

休息中

原本我就係一個蕃茄控，特別係超濃郁嘅蕃茄湯底，夏天嘅時候食，酸味味超開胃。牛陣最近出咗蕃茄壽喜燒，見到咁吸引當然要試吓啦。今次呢就試咗澳洲產特上長期穀飼牛同埋北海道四元豚放題套餐，咁湯底當然係蕃茄壽喜燒。個煲一嚟到原本就已經係一個野菜底煲，加上濃郁嘅蕃茄壽喜燒汁，唔使再用任何調味料都夠晒味啦。加上佢哋都肉質係非常講究，牛肉同豬肉都係好細嫩。出面仲有配菜區有好多嘢食可以選擇，熟食同埋生嘅食物都有。除此之外最開心嘅當然係有任食嘅Häagen-Dazs啦，而且仲要係今年嘅新口味，我最鍾意嘅就係士多啤梨紅桑子馬卡龍雪糕，味道香甜好味。食完嘢之後仲可以玩小遊戲添，門口增添左一「千本引」拉繩小遊戲，我就拉中左一個零食，大家都快啲試吓啦。