樓下冰室 (已結業)

返工返到好攰，冇乜心情煮飯，不如出去食啦！近近地，食樓下冰室，可以飲紅豆冰添。好，坐低睇吓有咩好食先。特色蕃茄濃湯通粉配牛乳炒蛋，炒蛋滑滑嘅，番茄湯好有蕃茄味，碗粉熱辣辣夠新鮮。招牌瑞士雞髀，瑞士汁好入味，唔會太咸，雞髀大大隻啖啖肉，正！咖喱牛腩飯，朋友仔話要有飯落肚先得，好夠飯份量，咖喱味濃，辣度適中。小食叫咗德國什腸，德國腸都幾好食，有唔同款式，港式腸就得個咸字。忌廉紅豆冰，忌廉打得好滑，充滿椰味嘅紅豆冰，平時飲開快餐店嘅，就知道個分別，呢度紅豆冰好飲好多！