影片
更多
2021-05-07
5868 瀏覽
🏘熊妹經常出去同豬朋狗友食飯，今次轉轉主角，輪到同阿豬媽同卡肥大大去食好西喇。📌韓國引入嘅薄餅店《Pizza Maru》都大熱左好幾年🔥，熊妹一直都好想試，但未有恭維，今次肉食獸卡肥同大食阿豬媽就大有口福啦。📌7:00晚飯時間，又唔俾book位，銅鑼灣分店就當然大排長龍🚶♀️🚶🏻♂️，都排左差唔多一個鐘先有位入得。📌店舖就都幾大，大概有十幾廿張方形四人枱，仲用埋餐廳外面門口位置，但都好爆🈵，所以晚餐時段限時90分鐘。📌講明薄餅店就梗係有好多款式嘅薄餅啦，其中最大熱嘅係芝加哥薄餅，芝士🧀係澎湃到湧晒出嚟，真係手連口都兜住。📌熊妹發現有呢個新推出嘅肉食薄餅🍕，每日限量20份，喺枱上面一張小小嘅餐牌棟喺度，唔知係咪因為材料有限，限量發售，所以唔極力宣傳？📌仲有多款口味的炸雞，真係見到都流晒口水。🤤📌飲品方面有韓國最出名嘅Makgeolli🍶同埋韓國啤酒🍺，價錢都唔便宜架，要$7、80一杯。經典五行，$208呢款限定新推出嘅薄餅望個樣已經好吸引，五行就包括五款餡料，分別係韓式燒牛肉一格🐮，粟米一格🌽，辣肉腸一格🐷，薯角🥔、煙肉一格🥓同埋香辣雞肉一格🐥。下面就鋪滿馬蘇里拉芝士同埋車打芝士，然
📌韓國引入嘅薄餅店《Pizza Maru》都大熱左好幾年🔥，熊妹一直都好想試，但未有恭維，今次肉食獸卡肥同大食阿豬媽就大有口福啦。📌7:00晚飯時間，又唔俾book位，銅鑼灣分店就當然大排長龍🚶♀️🚶🏻♂️，都排左差唔多一個鐘先有位入得。
📌店舖就都幾大，大概有十幾廿張方形四人枱，仲用埋餐廳外面門口位置，但都好爆🈵，所以晚餐時段限時90分鐘。
📌講明薄餅店就梗係有好多款式嘅薄餅啦，其中最大熱嘅係芝加哥薄餅，芝士🧀係澎湃到湧晒出嚟，真係手連口都兜住。
📌熊妹發現有呢個新推出嘅肉食薄餅🍕，每日限量20份，喺枱上面一張小小嘅餐牌棟喺度，唔知係咪因為材料有限，限量發售，所以唔極力宣傳？
📌仲有多款口味的炸雞，真係見到都流晒口水。🤤
📌飲品方面有韓國最出名嘅Makgeolli🍶同埋韓國啤酒🍺，價錢都唔便宜架，要$7、80一杯。
經典五行
$208
78 瀏覽
0 讚好
0 留言
呢款限定新推出嘅薄餅望個樣已經好吸引，五行就包括五款餡料，分別係韓式燒牛肉一格🐮，粟米一格🌽，辣肉腸一格🐷，薯角🥔、煙肉一格🥓同埋香辣雞肉一格🐥。下面就鋪滿馬蘇里拉芝士同埋車打芝士，然後係番茄醬底🥫，跟住就係煙煙韌韌嘅麵包薄餅底。
每格味道都各有特色，韓式燒牛肉配上燒牛肉燒烤醬，味道甜甜地；粟米撈上芝士同埋蛋黃醬，味道爽口；辣肉腸撈芝士蕃茄醬不嬲都係薄餅嘅餡料，經典口味；薯角同煙肉味道簡單啲；香辣雞肉撈韓式辣醬，呢格味道就辣啲。一個薄餅可以食到五個口味，實在太滿足了吧！
阿豬媽就鍾意經典嘅辣肉腸口味，卡肥大大就覺得韓式牛肉比較特別，熊妹就偏好香辣雞肉，辣辣地，真係鹹魚青菜，各有所愛！大家鍾意就得啦！💕
火辣秘製炸雞
$118
105 瀏覽
2 讚好
0 留言
炸雞梗係要食撈醬嘅炸雞先好味啦！個個都食得辣，咁就要試吓呢款火辣炸雞啦！六件雞唔係俾晒雞鎚㗎！仲有雞翼同雞胸，大概係半隻細雞嘅份量啦。
辣醬又唔算太辣喎！炸雞皮好脆，撈咗醬之後都仲係食到脆脆地，雞肉唔係話好滑但又唔算太鞋口，仲有啲肉汁，驚雞肉冇乜味又可以再撈下啲辣醬，唔錯，
蜂蜜蒜泥炸雞
$123
112 瀏覽
0 讚好
0 留言
卡肥係蒜蓉嘅愛好者，蒜泥炸雞當然唔放過啦！
嘩！真係極級香嘅蒜蓉味🧄，啲醬撈上炸雞上面，啖啖都係蒜泥味，而炸雞入面嘅味道就差唔多。
熊妹就真係頂唔順啦，卡肥同阿豬媽就盛讚，好快就清左。
Scholar Belgium Blonde
$82
74 瀏覽
0 讚好
0 留言
阿豬媽話食炸雞梗係要配啤酒啦，咁先至係韓國嘅風味。究竟係邊度學返嚟㗎？係咪睇得韓劇太多？
呢杯啤酒🍺係偏向清甜嘅檸檬味，幾易入口喎！果味重啲，就唔係偏向麥味，所以阿豬媽自己都飲得晒。
Lychee Makgeolli
$78
100 瀏覽
0 讚好
0 留言
熊妹推介卡肥飲Makgeolli因為係韓國嘅特產。
荔枝就即係甜甜嘅糖水味，本身Makgeolli就係甜嘅米酒🍶，所以夾埋一齊更加甜甜地，可以一解pizza炸雞嘅油膩。
📌食物比較特色，味道又好味，係價錢偏貴咗少少🔝，而且只有散叫無套餐，幾個月食一次都可以嘅，好味嘅食物都係少食多滋味啦。
張貼
