美味天皇

營業中

休息中

午餐嘅時候最鍾意同同事食美味天皇，快靚正之選。不過要等到位都唔容易，以$5x 至$6x嘅價錢食到呢個質素真係幾滿意。首先餐廳嘅姐姐態度好親切，通常肉類都可以選擇雞扒豬扒牛扒羊扒，配上當日嘅醬汁我自己就通常叫黑椒汁，主食就可以選擇白飯，扁意粉，天使面或者薯格。肉類嘅處理都好好，尤其是豬扒好厚身，好juicy！相對上牛扒會比較薄身大塊d, 但配上黑椒汁好惹味。最值得一提就係佢哋嘅薯格好新鮮，上碟時都會係熱辣辣，值得一讚。食完主菜仲會有甜品，通常都會係芝士蛋糕，朱古力蛋糕或者布甸糕點類，送埋餐茶絕對好飽。佢哋嘅熱柚子蜜我都覺得幾好飲。