台灣人 (已結業)

啟田小食街開左差唔多3個月...今日終於有機會去睇下...左揀右揀...好似最有特式同最吸引都係台灣人我地兩個人叫左好多野食...先黎兩杯冬瓜茶...甜度剛好唔會好甜味道岩岩好👍🏻正呀！買開野食有得+$8配一杯都幾抵飲😃蚵仔大腸麵線$25碗...熱辣辣...蚵仔同大腸都好足料....如果真係要挑剔的話...略嫌菜浦咸左少少...醋多左少少...如果有埋芫茜就更好😋擔仔撈麵$25...麵條吸收哂醬油既鮮味...再配上魯肉...喂～好食喎！除左魯肉汁個麵本身跟蝦同一粒貢丸...太為食...心思思想加餸...最後加錢要多隻滷水蛋同一粒花枝丸...滷水蛋夠入味...花枝丸同貢丸都係我鐘意既質地...唔會死甜同成舊粉...係有質素既丸！個麵食完會想再食...過兩日再去買先😆😆香煎小籠包$15/3隻...小籠包皮煎得夠哂香...浸完醋同豉油都仲食到脆...菜肉餡味道唔錯！夜市珍珠香腸$18/5粒...好味！爆汁！一口豬肉香！送酒啤酒應該幾夾😜手工蛋餅+肉鬆+芝士$28...女店員無介紹錯！呢個組合真係幾好味！口感豐富...芝士肉鬆雞蛋既味道好和諧😋配上佢地話係自己調既醬油膏...好味！超滿足既一餐