FAB Kitchen (已結業)

見到呢間餐廳係藍白色風格嘅西餐廳，今次揀咗lunch時間去試，叫咗個lunch set，裏面包括餐包、頭盤、主菜同甜品！芝麻餐包係餐包面頭佈滿滿滿嘅芝麻，而且好有芝麻香味，食落仲好暖笠笠！而沙律係黑醋蘑菇沙律，沙律裏面係將炸蓮藕片同沙律菜一齊食好fresh，加埋黑醋嘅酸酸甜甜好開胃🤤另外就叫咗香草檸檬牛油焗盲曹魚，魚肉有鮮味、而且魚皮煎得好脆卜卜，加埋茴香櫻桃蘿蔔、大蒜，一齊食非常夾！甜品就係培茶芝士蛋糕，培茶味嘅茶香好香濃，甜得嚟又唔會好膩！而芝士蛋糕就好香滑，撘配培茶味好match！