The China Bar

營業中

休息中

環境4分：中環蘭桂坊外國酒吧feel。雖有梳化，但永遠留畀熟客，我地只能坐高抬高櫈。燈光暗黃，有幾部電視，其中一部係超級大電視。牆上面有龍又有鳳，真係比較中國化， 睇落都幾靚，所以畀四分。 衛生3分：可能早到冇乜客，感覺上都幾乾淨，可以畀三分。 服務2分：夥記都幾快過嚟，企喺你身邊等你叫嘢食叫嘢飲，然後立刻收番餐牌，想睇多陣都唔得。下次叫嘢食又要再問佢攞個餐牌睇，都幾麻煩，所以畀佢兩分。 味道4分：1)      雞全翼有五隻，分開雞槌，雞中翼，同雞翼尖，個味真係幾辣，唔食得辣嘅真係食唔到，食得辣嘅就會覺得幾惹味。2)       跟住個pizza，夾埋有8塊加16片辣肉腸，食落幾香脆，芝士味夠曬濃郁，酒吧小食嚟講算好食，所以畀佢四分。 抵食4分：大約一百蚊有杯冰凍啤酒加一款小食，喺中環蘭桂坊嚟講真係算平，所以畀四分。