炑八韓烤 (歐亞銀行大廈) (已結業)

好耐冇出黎食飯見近期情況好D就出去行下街食個lunch今日去左太子呢間炑八韓烤食燒肉見到餐牌咩都想食我地就叫左個虎視眈眈套餐貪佢咩都有D可以咩都試下一如以往一開爐 店員都會係爐邊放蛋漿另一邊就係粟米芝士 套餐由前菜到飲品都包哂前菜有一般韓式泡菜之外重有一大盤沙律 之後我地就開始燒肉先講蔬菜 有南瓜同菇 肉方面就有牛小排 雞肉 五花肉全部都細細塊等大家可以細意品嘗重有兩塊大肉 分別係好大塊既牛助肉同豬扒另外重有海鮮大蝦 芝士生蠔我自己最鐘意就係果塊大牛肋牛肉味道好濃 而且醃肉既汁好香好夾另外要讚下個芝士生蠔 放係鍚紙兜上面慢慢燒 睇住幾隻蠔係芝士汁入面慢慢變熟 吸收哂芝士既香味 食落又唔會漿口 我覺得係值得推介既最後飲埋杯梳打真係為今個夏天添上涼意