影片
更多
2018-12-09
826 瀏覽
做咗吃貨都好幾年， 我可以話畀大家聽嘅忠告係，靚嘅食物多數唔好食，又未必會話佢係好難食，但係一般嚟講正正常常嘅食物味道往往勝過華麗誇張嘅美食。但係我從來都冇講過，凡事唔會有例外😂. 呢間雲石小姐主打嘅係雲石紋蛋糕，佢由小店搬到落尖沙咀街舖，呢件事其實對一個生意人嚟講係相當鼓舞。另一方面又會擔心租金會唔會太貴影響生意，不過呢啲都唔到我哋控制🙈我哋負責嘅只需要係食，以示支持。記得之前朋友生日食過一次，欣賞佢唔單止樣靚，味道仲唔差。今日決定嚟買一個，再返屋企同媽媽慶祝生日。我揀咗嘅係✨金莎朱古力味($420) size四吋左右，足夠一家人一次食曬，唔使留過夜。 賣相大家都睇到黑白紋設計，簡約又不失時尚.講下佢味道方面，雲石紋嘅部分係棉花糖，督落去其實好q彈，但又唔黐手，一個感覺幾新奇唔知佢哋點樣整出嚟㗎呢？整體嚟講個蛋糕唔算係勁甜，入邊係朱古力味海綿蛋糕，略嫌朱古力味唔夠濃，但係入面嘅金莎朱古力流心餡係好精彩。如果你係朱古力控，你直情會想用匙羹一啖一啖咁食外面嘅cream唔會好肥膩，因為佢份量唔算好多，鬆軟嘅海綿蛋糕、濃郁嘅朱古力流心、Q彈嘅棉花糖結合一齊，呢個感覺其實好特別，而且唔係虛有其
.
呢間雲石小姐主打嘅係雲石紋蛋糕，佢由小店搬到落尖沙咀街舖，呢件事其實對一個生意人嚟講係相當鼓舞。另一方面又會擔心租金會唔會太貴影響生意，不過呢啲都唔到我哋控制🙈我哋負責嘅只需要係食，以示支持。記得之前朋友生日食過一次，欣賞佢唔單止樣靚，味道仲唔差。今日決定嚟買一個，再返屋企同媽媽慶祝生日。
我揀咗嘅係✨金莎朱古力味($420) size四吋左右，足夠一家人一次食曬，唔使留過夜。 賣相大家都睇到黑白紋設計，簡約又不失時尚.
講下佢味道方面，雲石紋嘅部分係棉花糖，督落去其實好q彈，但又唔黐手，一個感覺幾新奇唔知佢哋點樣整出嚟㗎呢？
整體嚟講個蛋糕唔算係勁甜，入邊係朱古力味海綿蛋糕，略嫌朱古力味唔夠濃，但係入面嘅金莎朱古力流心餡係好精彩。如果你係朱古力控，你直情會想用匙羹一啖一啖咁食外面嘅cream唔會好肥膩，因為佢份量唔算好多，鬆軟嘅海綿蛋糕、濃郁嘅朱古力流心、Q彈嘅棉花糖結合一齊，呢個感覺其實好特別，而且唔係虛有其表。.
除咗呢個蛋糕，當日去到其實好多人都係上網訂完就去鋪頭攞蛋糕， 但係上網訂完之後，我又唔係好記得佢有乜嘢其他味道。如果店舖有一個可以order list咁樣畀客人去睇，個感覺會更加好。
張貼
