更多
2021-05-26
237 瀏覽
Sonia Coffee雖然響日本只有京都及北海道小樽共兩間餐廳,但其實原本佢已經有超過50年既歷史! 而當中發源地京都店以虹吸式咖啡為招牌咖啡調製方法,同時老闆亦會到處尋覓特別既茶杯,於客人用餐可以讓大家欣賞。知道旺角新世紀廣場開設首間海外分店後,小編亦唔執輸去朝聖一下。響餐廳外面已經有壁紙介紹Sonia Coffee既由來,雖然係以日文介紹但相信單憑漢字或Google翻譯一下亦不難明白吧。響門口一邊睇餐單既時候,店員就即刻行出黎睇睇有無野可以介紹下。但由於小編到達時已經晚上7點,基本上所有熱食或甜品(尤其著名既原味鬆餅)都已經沽清了。店員都非常好禮貌既建議我下次可以4-5點前到先可以品嚐到熱食吧。既然入唔到去品嚐,就唯有買杯薄荷朱古力鮮奶咖啡($40),試試咖啡既質素吧。 (餐單可以直接參考評價最底既圖片)付款完等候期間,就係最好欣賞店內環境既時候:響咖啡機附近﹑以及門口既裝飾都可以見到不同款式既茶杯,同時亦都留意到店內每位客人所用既茶杯款式都有少少唔同,即刻令我有期待下究竟自己會遇到咩款式既茶杯呢!5分鐘左右咖啡到手了,雖然外賣紙杯既賣相的確差少少,不過咖啡沖出黎的確幾好飲:可能
知道旺角新世紀廣場開設首間海外分店後,小編亦唔執輸去朝聖一下。響餐廳外面已經有壁紙介紹Sonia Coffee既由來,雖然係以日文介紹但相信單憑漢字或Google翻譯一下亦不難明白吧。
響門口一邊睇餐單既時候,店員就即刻行出黎睇睇有無野可以介紹下。但由於小編到達時已經晚上7點,基本上所有熱食或甜品(尤其著名既原味鬆餅)都已經沽清了。店員都非常好禮貌既建議我下次可以4-5點前到先可以品嚐到熱食吧。既然入唔到去品嚐,就唯有買杯薄荷朱古力鮮奶咖啡($40),試試咖啡既質素吧。 (餐單可以直接參考評價最底既圖片)
付款完等候期間,就係最好欣賞店內環境既時候:響咖啡機附近﹑以及門口既裝飾都可以見到不同款式既茶杯,同時亦都留意到店內每位客人所用既茶杯款式都有少少唔同,即刻令我有期待下究竟自己會遇到咩款式既茶杯呢!
5分鐘左右咖啡到手了,雖然外賣紙杯既賣相的確差少少,不過咖啡沖出黎的確幾好飲:可能係因為薄荷朱古力關係,整杯咖啡會偏甜但咖啡份量都唔少,所以都能夠令小編即時提神既。如果以薄荷同朱古力比較,會飲到稍多朱古力味,但其實薄荷會殘留響近喉嚨附近,令你突然會有少少清涼感,呢點小編都覺得好驚喜。
基於時間關係未能嘗試到真正既虹吸咖啡,雖然要$80杯既價錢但既然係Sonia Coffee既精選,無理由唔搵次機會黎試試既!
張貼