影片
更多
2017-12-27
11029 瀏覽
平安夜, 今年一大班朋友過, 食放題食西餐例牌要挨貴價就最揾笨, 所以最後揀左食D 特色菜。一早打電話黎訂位就問定我地使唔使預留片皮鴨同紅燒大元蹄。片皮鴨一值都想試好耐喇,因為見佢人少可以叫半隻，不過今次人多就order 定每樣一隻啦。約左7點半，黎到已經好多人。原來行入去仲有間房, 不過就無咩裝修。男朋友飲加多寶, 試左啖原來都幾甜~~都係飲番可樂~上菜速度真係超快, 不停迫爆張枱😓渴望已久既片皮鴨啊😍~~~~~我地8個人叫左一隻✨北京填鴨($298/1隻)👍: 一碟係半隻既份量, 都幾大碟,包12 塊皮。個餅皮都算薄身, 熱辣辣。個鴨幾厚切食落啖啖肉, 個皮微微脆,一次過夾兩塊肉黎包~加埋青瓜, 京蔥好好味啊。如果就咁齋食更加感受到個皮脆, 我同朋友一致覺得好食過北X樓🤤。✨清炒萵荀（$68): 顏色好翠綠，食落爽口清甜，平時無咩機會食，所以特登叫😚。✨蒜蓉炒油麥菜（$60)：平時都好少食油麥菜，因為嫌佢有d 苦苦澀既味，但佢無半點苦澀味,而且加埋蒜蓉，食落甜甜地，雖然好簡單但又真係好味喎🙀。我覺得佢D菜類都幾新鮮, 好味👍叫左兩款餃子試下，一碟有十隻。✨素三鮮（$40): 佢既
一早打電話黎訂位就問定我地使唔使預留片皮鴨同紅燒大元蹄。
片皮鴨一值都想試好耐喇,因為見佢人少可以叫半隻，不過今次人多就order 定每樣一隻啦。
約左7點半，黎到已經好多人。
原來行入去仲有間房, 不過就無咩裝修。
男朋友飲加多寶, 試左啖原來都幾甜~~都係飲番可樂~
上菜速度真係超快, 不停迫爆張枱😓渴望已久既片皮鴨啊😍~~~~~我地8個人叫左一隻
✨北京填鴨($298/1隻)👍: 一碟係半隻既份量, 都幾大碟,包12 塊皮。個餅皮都算薄身, 熱辣辣。
個鴨幾厚切食落啖啖肉, 個皮微微脆,一次過夾兩塊肉黎包~加埋青瓜, 京蔥好好味啊。
如果就咁齋食更加感受到個皮脆, 我同朋友一致覺得好食過北X樓🤤。
北京填鴨(1隻)
$298
196 瀏覽
2 讚好
0 留言
153 瀏覽
0 讚好
0 留言
✨清炒萵荀（$68): 顏色好翠綠，食落爽口清甜，平時無咩機會食，所以特登叫😚。
清炒萵荀
$68
114 瀏覽
0 讚好
0 留言
✨蒜蓉炒油麥菜（$60)：平時都好少食油麥菜，因為嫌佢有d 苦苦澀既味，但佢無半點苦澀味,而且加埋蒜蓉，食落甜甜地，雖然好簡單但又真係好味喎🙀。我覺得佢D菜類都幾新鮮, 好味👍
蒜蓉炒油麥菜
$60
85 瀏覽
0 讚好
0 留言
✨素三鮮（$40): 佢既餃子皮厚薄適中內裏帶點點湯汁。入邊有白菜，甘荀，木耳，東菇，切得好幼細。不過食落無乜味，可能因為全素既關係, 所以唔係好啱我口味.
✨韭菜豬肉（$40): 本身對佢寄予厚望，估唔到有豬肉，但係食落去個味都係偏淡，有d 失望。
✨東北黑山羊煲（$138/細）👍🏻：呢個煲係冬季限定，連平時唔多食羊既我都覺得超好食。個羊炆得好腍好入味又唔會羶，最正係個汁，d支竹，馬蹄，大冬菇索晒味。我超鍾意入面d 粗身粉絲條，晶瑩通透，食落煙韌彈口夠入味，超好食！個汁撈~白飯一流~😍
東北黑山羊煲（冬季限定）
$138
120 瀏覽
0 讚好
0 留言
✨紅燒大元蹄（$388/大）：要早一日預訂，真係超級大碟😱呢個元蹄真係勁邪惡，豬皮好入味入口即溶，不過中間有d 位置好肥，我都走左無食，d 肉一絲絲咁都幾腍幾入味。8個人叫大size真係太over, 建議都係叫隻細既淺嘗下。
紅燒大元蹄(大)
$388
95 瀏覽
0 讚好
0 留言
✨砂鍋雲吞雞（$128/細）：叫得太多肉，呢個moment 已經好飽，試左粒雲吞，入面只有肉，無蝦的，一般般。個湯就幾清甜，我食果舊雞不算太滑，呢道菜中規中距。
✨東北農家炒飯（$68): 都幾大碟，材料豐富。有蝦，雜豆，粟米，菜，木耳等等， 清清地感覺幾健康。
好飽好飽好飽，到甜品時間round2
✨豆沙鍋餅（$48)👍🏻: 開頭望落覺得乾爭爭，諗住唔方好食。估唔到個個食完都讚，佢餅皮有d 似烤餅，幾有咬口的，加上薄薄一層豆沙，甜度啱啱好，真係飽都想叫多碟☺️
豆沙鍋餅
$48
55 瀏覽
0 讚好
0 留言
✨拔絲蘋果（$68): 呢個食既時間， 店員話要浸水再拎上黎就會有拔絲效果。 不過佢既指示唔太清晰，無同我地講要限時幾耐好浸晒落去同拎番上黎。結果拔到筷子都斷埋.......笑死人😂佢真係灘耐一陣都已經痴到勁實，結果出動埋刀叉扯到皮肉分離。
⚠️所以提提太家，一定係要極速9秒9內浸晒落水，係極速！手腳唔可以慢，否則就注成大錯。
味道其實唔差，個皮好脆卜卜，不過個皮太厚太甜喇，玩係幾好玩，但都係豆沙鍋餅好食好多。
呢度啲嘢食其實都幾好食同幾有特色，而且大大碟，啱晒大班人share,食左咁多野每人先係$180。不過張枱好窄，八個人坐一張長枱，啲嘢食又上得好快，所以食得有點趕急。如果餐廳有圓枱，會食得更加舒服。
而且我地被安排坐起房入邊最貼牆既角落位置, 唔知點解坐坐下間歇性地傳黎一陣陣廁所味.....但明明廁所唔起隔離......呢一下真係唔多唔少被扣下印象分，要留意一下。
今餐既大愛係羊煲，不過係冬季限定，可遇不可求🤭有機會要試下
張貼
