深水埗咖哩

營業中

休息中

原來西九龍中心對面間深水埗咖哩都係黃店，真係估佢唔到，一於走去幫襯下。一入到去，見到成間店都係南亞裔員工，就當自己去咗旅行，你話幾好呢😆？呢度嘅午餐非常抵食，有湯有小食有主菜有飯有烤餅仲有汽水，加埋都唔使五十蚊😱。味道方面，主菜嘅咖哩牛腩咖哩味較淡，唔太食得出咖哩嘅濃香，不過牛腩尚算煮得軟腍入味；餐湯有少少雞絲有少少紅蘿蔔絲，味道有少少奇怪，又有少少似用黑胡椒同味精粉溝出嚟嘅忌廉雞湯😂，唔可以話難飲，但亦唔算得上好飲。成個午餐，最好食嘅係小食胡椒脆餅（papadum）同沾咖哩嘅印度烤餅（naan），前者點薄荷酸汁食，開胃惹味，後者熱辣辣充滿麵粉香氣，好食👍。