豐膳西餐廳 (已結業)

原來九龍灣都有自助餐，仲幾平添，睇食評知道唔係有特別驚喜，不過一試無妨。我哋七點到，餐廳裝修唔豪華，得幾枱，環境幾清靜。食物比我感覺無咩城意，好求其，選擇好少，味道真係偏中下，有啲係拎咗但食唔落，全晚只圍繞食幾樣嘢，價錢係平，指定信用卡更有85折，但就算呢個價都可以有更好選擇。麵包蟹無咩味，蟹腳唔錯，肉幾多又夠鮮。螺粒粒都有沙，青口無咩味，蝦正常。刺身都可以，壽司飯好乾。煙三文魚睇落比較無咩油光啞色，食食落都可以。燒牛肉唔錯，有肉汁，有牛味。上面嗰碟拎咗真係食唔到，炸魚外面涷又硬，裏面有腥，叉燒又瘦又乾。下面係嘅元蹄肉好似係烚完撈汁入去，無味。蒸魚係全晚食得最多，應該係無鱗嘅淡水魚，不過好鮮，蒸得好滑。紅酒牛肉唔錯，羊架有啲韌。麵檔有兩款麵揀，配件只有菌類同菜，肉都無，個湯清清哋，綠色嗰種麵唔好食。湯有農夫湯同羅宋湯。農夫湯有小青口肉，蟹，蝦。窩夫係一早整定，完全無得加熱，但味係正常。甜品都可以。另有豆腐花同紅豆沙。豆腐花幾滑，紅豆沙唔太甜但紅豆好少，又唔起沙。Dreyer's雪糕有芒果果同開心果味。另有芒果味雀巢雪糕杯同自助雪糕機 。