Patisserie Tony Wong Dessert Cafe (已結業)

其實一直都好想試呢個玫瑰花蛋糕 因為真係整得好靚 同埋知道Tony Wong 嘅蛋糕好有水準唔係得個靚字 因為冇人送俾我食所以我就趁媽咪生日就買俾佢呢度嘅服務真係幾好 可以預先喺網上面訂購 或者打電話上去預購都得 我覺得網上有得訂好方便最重要呢一隻蛋糕可以揀唔同嘅顏色 同埋入邊唔同嘅餡 所以下次又有藉口可以是另外一隻味啦其實都預咗呢啲蛋糕會好甜 因為好似要用好多白朱古力整成啲花瓣 都冇預過食啲花瓣 但試咗少少花瓣又唔係真係好甜 雖然食唔晒啲花瓣 但都每人食左啲花瓣因為夾埋啲蛋糕都幾好食不過入面蛋糕真係唔係好多 但呢啲少食多滋味反而更好極力推介呢個蛋糕 媽咪都好開心