八天堂 (已結業)

今次揀咗由中港城搭船去澳門，喺等船期間就過咗隔離海運中心食個「八天堂」包。我覺得話似忌廉賓，多過似實實淨淨嘅包。今次淨係叫咗2隻味：蜜糖、抹茶忌廉蜜糖 個蜜糖味喺先淡後濃。就咁咬落去會覺得好淡味，喺個口入面咬多2下，陣甜味會散出嚟，再等耐d超香嘅蜜糖味就會充滿個口腔。呢種蜜糖嘅感覺好真實，唔似人造蜂蜜咁一食就好甜，好似糖水咁。焙茶忌廉個焙茶口感喺凍凍地嘅情況下好似吞拿魚包入面嘅醬，好細緻嘅滑同埋厚身嘅綿。焙茶味雖然唔喺濃，但係呢個濃度已經足夠，因為呢個包喺凍食嚟，淡味小小係正常。我覺得似忌廉賓，多過似實實淨嘅包。價錢嚟講都算貴，差唔多成30蚊1個。