影片
更多
2013-09-28
1741 瀏覽
話說呢日口痕，想食上海嘢，點知做嘢做到唔知時候，到準備食飯已經４點左右原本想食上海婆婆３３６，但因為遇正「落場」時間所以冇得食，於是幫襯附近嘅山頭火其實我個人係個如果對果樣嘢有興趣，就可以唔睇價錢（當然唔係貴得太離譜）嘅人由於鍾意食拉麵嘅關係，所以就決定試吓呢間呢間店嘅職員嘅服務同禮貌簡直一流！（接觸：女店員）我自己係個幾介意服務態度嘅人，不過果位店員，我俾１００分！話說我響門口諗咗一陣，店員主動問我食咩，我話諗吓先呢方面，而家差唔多間間店都會，好普通～不過果位女仔好有禮，有問必答、面帶笑容，感覺好親切，ＧＯＯＤ！當我點完餐、俾完錢，佢就好好態度咁請我入店內「坐住等」不過我想行陣，佢就話「當然可以！大約需時ＸＸ分鐘左右...」之類由於冇乜嘢睇，我好快就行番過去，女店員見到我，就好熱情咁邀請我到店內坐陣，並即時倒咗杯水俾我，ＮＩＣＥ！店內以和風為主題裝修，店中央有張幾人枱，上面嘅裝飾物幾特別今次我點嘅係一個好似套餐咁嘅東西：半份拉麵加半份豬扒飯在我角度，呢度嘅拉麵並冇令我再三回味，不過不失～不過叉燒同木耳都幾好，叉燒夠稔，肉實而滑拉麵湯底味道其實唔錯，係有少少偏油，而麵質較硬，可能預我攞
原本想食上海婆婆３３６，但因為遇正「落場」時間所以冇得食，於是幫襯附近嘅山頭火
其實我個人係個如果對果樣嘢有興趣，就可以唔睇價錢（當然唔係貴得太離譜）嘅人
由於鍾意食拉麵嘅關係，所以就決定試吓呢間
呢間店嘅職員嘅服務同禮貌簡直一流！（接觸：女店員）我自己係個幾介意服務態度嘅人，不過果位店員，我俾１００分！
話說我響門口諗咗一陣，店員主動問我食咩，我話諗吓先呢方面，而家差唔多間間店都會，好普通～
不過果位女仔好有禮，有問必答、面帶笑容，感覺好親切，ＧＯＯＤ！
當我點完餐、俾完錢，佢就好好態度咁請我入店內「坐住等」不過我想行陣，佢就話「當然可以！大約需時ＸＸ分鐘左右...」之類
由於冇乜嘢睇，我好快就行番過去，女店員見到我，就好熱情咁邀請我到店內坐陣，並即時倒咗杯水俾我，ＮＩＣＥ！
店內以和風為主題裝修，店中央有張幾人枱，上面嘅裝飾物幾特別
今次我點嘅係一個好似套餐咁嘅東西：半份拉麵加半份豬扒飯
在我角度，呢度嘅拉麵並冇令我再三回味，不過不失～不過叉燒同木耳都幾好，叉燒夠稔，肉實而滑
拉麵湯底味道其實唔錯，係有少少偏油，而麵質較硬，可能預我攞走都唔會太稔？
吉列豬扒值得一讚！外脆內軟，但唔係俾梳打粉醃到冇哂肉質果種而且好明顯係即炸，口感、味道、熱度都剛剛好
比起拉麵（外賣計），我更喜歡佢嘅豬扒～
雖然幾好食，不過過百元嘅外賣午餐，我覺得佢又唔係好值啦～
張貼
