亞參雞飯 (康怡廣場北座)

營業中

休息中

突然間好想食海南雞飯，好彩放lunch嘅時候遇到阿參雞飯🤗其實我之前都食過幾次，食過佢嘅喇沙湯底同埋海南雞飯，仲有試過佢個咖喱，印象都唔錯，不過記得最好食，始終係海南雞。咁啱我個朋友想試吓海南雞，所以我哋就一齊過咗嚟食。佢哋係會一set咁樣上包括傳統三色醬，一小碟青瓜，一個油雞飯，一個雞湯同埋一碟無骨海南雞。另外我加咗$10要咗杯凍朱古力。海南雞啖啖肉係皮脆肉嫩，而我最欣賞係佢個雞油飯，似係泰國香米幼身而尖，凡係粒粒分明，本身係有少少鹹味，加上雞油香味我一上枱就已經係咁空口食咗半碗飯，我平時係唔鍾意食飯嘅人，但係都忍唔住🤭不過佢個凍朱古力就差啲，成杯嘢面頭係冰一半下面仍然係熱嘅朱古力粉未搞溶嘅咁呢個係有啲失望，所以我淨係飲咗兩啖就冇飲。