影片
更多
2022-06-13
472 瀏覽
喺附近返咗好幾年工，但只係食過一兩次，因為覺得好貴，又唔夠食。今日收工，諗住同個fd慶祝下，恭喜佢考到牌，平日同事都講到呢到燒味係好食，就斬料加餸。依舊價錢都唔平，不過佢勝在連乳豬都有，本來十五十六嘅我，就比佢吸引咗。於是買咗$238 1/4乳豬 $258 半隻燒鵝，試下佢嘅龍與鳳。外賣包裝都好大盒，好重身。鵝汁同其他醬汁分開上，隔住個袋都聞到好香味。由石門搭車到土瓜灣，去到fd屋企，打開嚟真係非常香。除咗燒鵝肉味同乳豬嘅燒香味，仲有鵝汁一d香料味，唔會因為焗咗一程車有陣up肉味。等唔切齊人已經要「試食」。焗完乳豬仲係脆皮，燒鵝皮都係脆身，無因為外賣而變淋咗，而且仲熱，溫度啱啱好。味道都係好香口，不過個汁就比較濃味，沾咗汁嘅鵝又多咗一層香料味，係另一種食法。不過就視乎個人口味，我就唔沾都夠味，沾咗雖然香但有點咸。乳豬食得出連內裏都有醃過，唔會只得純肉騷味，會帶一層香料味，真係好好食！最後結論真係好好味，雖然貴，但都值得再試
今日收工，諗住同個fd慶祝下，恭喜佢考到牌，平日同事都講到呢到燒味係好食，就斬料加餸。
依舊價錢都唔平，不過佢勝在連乳豬都有，本來十五十六嘅我，就比佢吸引咗。於是買咗$238 1/4乳豬 $258 半隻燒鵝，試下佢嘅龍與鳳。
外賣包裝都好大盒，好重身。鵝汁同其他醬汁分開上，隔住個袋都聞到好香味。
由石門搭車到土瓜灣，去到fd屋企，打開嚟真係非常香。除咗燒鵝肉味同乳豬嘅燒香味，仲有鵝汁一d香料味，唔會因為焗咗一程車有陣up肉味。
等唔切齊人已經要「試食」。焗完乳豬仲係脆皮，燒鵝皮都係脆身，無因為外賣而變淋咗，而且仲熱，溫度啱啱好。
味道都係好香口，不過個汁就比較濃味，沾咗汁嘅鵝又多咗一層香料味，係另一種食法。不過就視乎個人口味，我就唔沾都夠味，沾咗雖然香但有點咸。
乳豬食得出連內裏都有醃過，唔會只得純肉騷味，會帶一層香料味，真係好好食！
最後結論真係好好味，雖然貴，但都值得再試
$500
108 瀏覽
0 讚好
0 留言
張貼
