正斗粥麵專家 (國際金融中心商場)

營業中

休息中

星期六冇咩野做，出去中環搵老婆食LUNCH，順便之後去APPLE STORE睇埋部新電腦。諗唔到有咩特別野想食，就不如試下國金正斗。嚟到門口已經有人排緊隊，等咗10分鐘就已經可以入座！細蓉，正斗必食之選，韭黃香味撲鼻，麵底冇咩鹼水味，湯頭如果大地魚味再濃 D 就 PERFECT 喇！呢度嘅蝦餃明顯比出面嘅細隻D，但係真係做到皮薄餡靚。乾炒牛河，條條色澤分明，唔會黏埋一齊，非常美味。唯一缺點就係佢哋辣椒醬唔係用余均益。咕嚕蝦球 , 酸甜汁調教得好好，蝦好新鮮爽口。