蝦麵店 (荃新天地) (已結業)

荃灣咁多嘢食，但係呢一間嘅蝦湯真係令我念念不忘。我叫咗辣味蝦湯肉骨茶麵，肉煮得好林，湯辣度適中，而且蝦味很重，直接飲湯都唔會覺得鹹，完全不是味精湯，而且成個面被提味，暫時係我食過最好食嘅蝦湯面。咖喱喇沙湯雞絲雞蛋面唔會好重奶味，而且咖喱味好出，同雞絲一齊食唔會覺得dry。而且糖心蛋好好食，忍唔住另外再叫多一隻配滷水豆腐豆乾。另外馬拉棧通菜都唔錯, 菜煮得剛好唔會老, 而且醬夠曬, 好入味。檳城焦糖咖啡係典型三亞口味，會偏甜，如果怕太甜嘅可以試下飲佢地既熱杏仁霜。最後我意猶未盡咁叫咗個橘子香茅凍，本身食完馬拉盞通菜有啲膩，個口即刻被清洗過咁，開胃解膩一流。