蝦棧 (已搬遷) 新店位置

今日同朋友去左太子，晚餐就係附近搵啲野食下，見到有間餐廳要等位就去試下，兩個女仔唔算好肚餓，叫小小野試下味道。一口炸豆腐。炸粉唔厚豆腐好滑，外層加左小小黑椒好惹味，豆腐味道咸香突出夠滑夠驚喜。醉雞卷。酒味好香好濃，雞肉好嫩滑，雞肉拆骨原件食夠方便。酒味香又重好滋味。胡椒蝦。當然叫個餐廳人氣蝦煲試下，煎蝦好滋味味道夠濃夠香，蝦肉爽口鮮甜，胡椒味夠重帶小小辣口。叫左多個魯肉飯。肉碎夠豐富醬汁唔多比較乾身，肉碎調味好咸香，送白飯剛剛好。溏心蛋中間蛋漿夠香，蛋白好滑。最後叫左個蕃薯雪糕。原個蕃薯夠有趣，蕃薯味好濃又清香，唔會好甜。