影片
更多
2020-10-25
1196 瀏覽
想試依間餐廳好耐嫁啦！本身都話冇晒位，我留咗後備，又真係比我等到有人棄單💛💛🥰🥰🥰今晚個主題係蝦兵蟹將之夜！唔洗諗，海鮮區域係最多人聚集嘅地方！酒店提供鐘拿蟹、三點蟹、長腳蟹、麵包蟹、小龍蝦、龍蝦、青口同蝦！由於衛生原因，會有職員負責裝一兜海鮮比你，下面會有冰墊底。不過，唔知點解冇咗三點蟹，但唔係太大問題，三點蟹相比其他海鮮又唔係太吸引😂😂！個人認為最好食係長腳蟹，麵包蟹都真係好多膏好好食😍生蠔每個人可以每次拎兩隻，產地係紐西蘭，同樣有冰墊底保持新鮮！雖然唔係好大隻，但比起啲冇味嘅珍寶蠔，個人認為比較好食。不過，依種蠔會相對比較偏重海水味魚生部份正常，雖然冇咩特別大驚喜，但我今餐主要食海鮮，所以都係試咗少少姐。每個款式每次可以拎兩塊，一樣有冰墊底👍🏻cold cut款式唔算多，但每樣都幾好食，隔離仲有幾種芝士俾你揀甜品係我比較期待嘅一部份，佢提供嘅款式都好多，所以我淨係試咗少少姐。最特別係個焦糖燉蛋係咖啡味😂其實隔離仲有提供窩夫、即整法式薄餅、菠蘿金寶、朱古力批同自助軟雪糕同椰汁黑糯米，不過食評最多放12張相，不能盡錄特別要留意佢有提供10種味道嘅Movenpick雪糕，一定要試呀！！
本身都話冇晒位，我留咗後備，又真係比我等到有人棄單💛💛🥰🥰🥰
今晚個主題係蝦兵蟹將之夜！
唔洗諗，海鮮區域係最多人聚集嘅地方！
酒店提供鐘拿蟹、三點蟹、長腳蟹、麵包蟹、小龍蝦、龍蝦、青口同蝦！
由於衛生原因，會有職員負責裝一兜海鮮比你，下面會有冰墊底。不過，唔知點解冇咗三點蟹，但唔係太大問題，三點蟹相比其他海鮮又唔係太吸引😂😂！個人認為最好食係長腳蟹，麵包蟹都真係好多膏好好食😍
生蠔每個人可以每次拎兩隻，產地係紐西蘭，同樣有冰墊底保持新鮮！雖然唔係好大隻，但比起啲冇味嘅珍寶蠔，個人認為比較好食。不過，依種蠔會相對比較偏重海水味
魚生部份正常，雖然冇咩特別大驚喜，但我今餐主要食海鮮，所以都係試咗少少姐。每個款式每次可以拎兩塊，一樣有冰墊底👍🏻
cold cut款式唔算多，但每樣都幾好食，隔離仲有幾種芝士俾你揀
甜品係我比較期待嘅一部份，佢提供嘅款式都好多，所以我淨係試咗少少姐。最特別係個焦糖燉蛋係咖啡味😂其實隔離仲有提供窩夫、即整法式薄餅、菠蘿金寶、朱古力批同自助軟雪糕同椰汁黑糯米，不過食評最多放12張相，不能盡錄
特別要留意佢有提供10種味道嘅Movenpick雪糕，一定要試呀！！！！！！
其實同場仲有好多好值得食嘅嘢，例如片皮鴨、各式燒味、粉麵、天婦羅、燒烤、澳洲肉眼扒、即燒豬腩仔、蟹粥、同蒸點。我影都影唔晒
值得一讚係佢啲服務員態度好好，不停來回主動幫我哋加水同埋收拾。雖然呢度唔係啲對住海景嘅打卡酒店餐廳，但係我覺得呢一間係一間絕對值得食嘅黃店💛💛💛💛
p.s. 餐廳冇提供任飲，只會比每人一杯餐茶 (咖啡或茶)，額外再叫要每杯$10，所以店員會不停幫你加水。
張貼
