竹麓拉麵

營業中

休息中

南澳原來又開左新餐廳，小朋友好鍾意食拉麵，拉住我話要試，我見到雞湯拉麵幾十蚊，價錢合理，不過最優惠係可以加$58食到半隻燒雞，呢個價錢都幾抵，所以一於試吓。雞湯拉麵湯底唔會好油膩，但係味道濃郁，最鍾意佢嘅雞肉好淋，拉麵軟硬度啱啱好，仲有兩大塊紫菜，小朋友食得好開心。我就食蝦湯拉麵，個湯底超級濃郁，仲有幾隻蝦好彈牙，半熟嘅流心蛋，最精彩係有大大塊炸魚皮，脆卜卜索晒啲湯汁，真係好好味。加$58有半隻雞原來都幾大隻，加少少檸檬汁已經非常惹味，雞皮炸到脆卜卜，但雞肉都可以咁嫩滑，真係令我好驚喜，呢半隻雞真係非常抵食，另外小朋友鍾意食餃子，都係新鮮即刻整，肉味香濃非常香口，唔止小朋友覺得好食，連我都食到舔舔脷。