淥鼎記

營業中

休息中

冬天梗係打邊爐嘅季節啊啦，打邊爐坐最鍾意就係揀任食，我同老公大食呀嘛😂一定係任食最抵😂之前嚟過呢度㗎喇，又平又抵食，性價比極高，而且環境裝修又靚，又多卡位坐得舒服之外，食物質素都好OK！呢度可以食到好多唔同款式，打邊爐之前可以先食主食，除咗可以揀惹味雞煲之外，仲可以揀酸菜魚，如果六位以上仲有得揀原條烤魚！今次我哋湯底要咗澳門豬骨鍋，非常足料嘅豬骨煲，最鍾意豬骨湯底打邊爐，會令到啲食材特別鮮甜㗎！呢度啲豬骨筒幾靚，所以食到最尾一定要食埋啲骨頭❤️啲豬筋煲到軟綿綿可以食到滿滿嘅骨膠原㗎！女士們一定大愛！套餐價錢只需要二百幾蚊，已經可以食到好多靚牛！作為牛魔王嘅我哋好鍾意食呢度就係咁解！牛肉方面有得揀香濃雪花味嘅安格斯極佳級精修肥牛，食起嚟滑一滑，仲可以揀肉味香濃嘅安格斯牛板腱，肉質方面都好有水準㗎！我最鍾意就係安格斯牛板翼，略帶雪花牛肉味又夠，兩者之間嘅平衡最好所以最好味😍除咗牛肉仲有好多唔同嘅海鮮款，例如有日本廣島蠔、海蝦、沙白蜆、鮮脆鯇魚肉、鮮脆鯇骨腩、魚頭，我梗係樣樣都食晒啦😆日本廣島蠔真係夠晒鮮甜肥美，蠔味香濃令人滿足仲要無限encore，肉質爽實生猛嘅海蝦都係必叫item!