蠔站 (黃金廣場) (已結業)

餐廳位於Sogo對面，方便易達，F出口行1分鐘就到，我和朋友仲好彩地坐到窗邊枱，可以望到熙來攘往嘅大街，仲剛好影到Sogo廣告牌mirror廣告🤣餐廳主要以暗色調為主，有自助沙律、餐湯及白飯提供。我和朋友分別叫了石燒紐西蘭肉眼和石燒美國牛肩扒。當然亦唔少得要叫精選生蠔拼盤(6pcs)，加$120就有絕對超抵！精選生蠔拼盤(6pcs)🦪 由淡到濃咁食分別來自不同產地嘅生蠔，有蘇格蘭、愛爾蘭和法國。每隻都好新鮮，唔洗加甜辣醬，只是輕輕加少少檸檬汁已經可以帶出到生蠔本身嘅鮮味，海水味都好足。我比較鐘意法國品種，鮮甜得嚟有回甘嘅感覺！石燒紐西蘭肉眼&石燒美國牛肩扒一嚟到已經見到煙霧彌漫，足已見到石板熱力。如果唔想牛扒太熟嘅話可以先將牛肉整塊先放到碟子上，切開再放上石板上燒一下再吃。兩款扒牛味都好濃，再加上炸蒜片，完全係「牛魔王」嘅最愛！另外，我地仲有分別叫咗柚子梳打和荔枝乳酸梳打。