Glow - Oyster Bar & Grill (已結業)

中環蘭貴芳多酒吧，西餐廳真係間間都各有特色，無乜中過伏。今次揀咗食蠔。店裏環境燈光柔和，另外有個生蠔bar。環境舒適。今日生蠔有七折，我叫左3款生蠔，由淡到濃1. American pearl 口感肉質好厚好creamy , 2. Lambert 肉厚比較薄，海水味比較多。3.krystale 我覺得同第二差不多。至於朋友個牛扒，都試左兩啖，基本上唔洗要個汁已經好夠味，食落好有肉汁，亦唔會硬。燒得剛剛好外脆內軟，值得一讚。總括來說，食蠔嘅好地方，地點又方便放工可以即刻過嚟，睇得出老闆非常用心經營，必定會再翻食。