影片
更多
2010-05-13
40 瀏覽
南華亞協十六強，吸引兩萬兩千幾人入場睇波，但最終都俾對手技術性擊倒，輸3:1。次次入場睇波南華都輸，到底係南華黑定係我黑呢？與老友計起都有成兩三次這種情況，真攞命﹗要再入大球場睇波，看來又要等下年了﹗睇完波仆到咁跑番到呢頭搵食，最後揀左明記。其實成條街都擺滿哂位，邊間打邊間都分唔到，是旦有人叫我地埋去就那間。睇番自己食評，原來上次來是吃駒記的，明記以前也有同食家試過，味道還算可以，但以大排檔來說食物便偏貴了。唔太肚餓，都係志在飲下啤酒吹下水，先來一碟炒蜆，$50。炒蜆勝在無沙，不過老實講上枱時已唔太熱，微暖的，明顯又是那大排檔風味 "殼多過肉"，蜆細隻，肉就手指尾甲咁大粒，味道就是那豉汁，再嗒真點也是那豉汁，毫無鮮味，麻麻地﹗再試呢度既招牌菜口水雞，要了半隻$75，幾大隻，件件好肉地，醬汁微辣有少少重花生味，味道是不錯，心諗實無死啦﹔可惜雞乃冰鮮，o鞋之餘毫無雞味，多肉也沒用，反而墊底的青瓜點0的辣醬汁食味道最清新。最後一人蒸番隻同埋帶子，$15隻，夠大隻，味鮮甜，肉質實淨彈牙爽口，蒜味濃香岩我，粉絲之餘佢加入左金菇，吃落更爽口有層次，好味道﹗老友竟然巧遇當年的黃紙兄弟，這是緣份啊﹗$
次次入場睇波南華都輸，到底係南華黑定係我黑呢？與老友計起都有成兩三次這種情況，真攞命﹗要再入大球場睇波，看來又要等下年了﹗
睇完波仆到咁跑番到呢頭搵食，最後揀左明記。
其實成條街都擺滿哂位，邊間打邊間都分唔到，是旦有人叫我地埋去就那間。
睇番自己食評，原來上次來是吃駒記的，明記以前也有同食家試過，味道還算可以，但以大排檔來說食物便偏貴了。
唔太肚餓，都係志在飲下啤酒吹下水，先來一碟炒蜆，$50。
炒蜆勝在無沙，不過老實講上枱時已唔太熱，微暖的，明顯又是那大排檔風味 "殼多過肉"，蜆細隻，肉就手指尾甲咁大粒，味道就是那豉汁，再嗒真點也是那豉汁，毫無鮮味，麻麻地﹗
再試呢度既招牌菜口水雞，要了半隻$75，幾大隻，件件好肉地，醬汁微辣有少少重花生味，味道是不錯，心諗實無死啦﹔可惜雞乃冰鮮，o鞋之餘毫無雞味，多肉也沒用，反而墊底的青瓜點0的辣醬汁食味道最清新。
最後一人蒸番隻同埋帶子，$15隻，夠大隻，味鮮甜，肉質實淨彈牙爽口，蒜味濃香岩我，粉絲之餘佢加入左金菇，吃落更爽口有層次，好味道﹗
老友竟然巧遇當年的黃紙兄弟，這是緣份啊﹗
$10一支獅威是最值得捧場的一環，埋單一人80蚊左右，只能給它一個ok吧，距離笑的水平還差得遠﹗
張貼
