桃子Cafe (已結業)

今日朋友帶咗嚟呢間專食蛋包飯嘅鋪頭試吓 我哋分別叫咗幾款蛋包飯試食大家share 可以話係試晒佢咁多隻蛋包飯咁滯☺️☺️☺️蛋包飯都冇得唔試吓佢嘅絕配吉列豬扒 價錢大概系6x左右 咖喱唔會太辣 怕辣既朋友應該都食到 吉列豬扒大大嚿鋪係上面加埋蛋同咖喱簡直係絕配絕配絕配！ ！ ！佢嘅吉列魚柳其實同吉列豬扒咖喱差唔多不過係豬扒換咗做魚柳 份量都幾大舊 不錯！芝士叉燒蛋飯 可以話係日本版嘅暗然銷魂飯 都係叉燒蛋 多咗塊芝士食落去其實比預期好食 價錢大概係5x芝士海鮮蛋飯 食落去都唔錯不過海鮮份量就少咗啲差唔多嘅話比較推薦芝士叉燒蛋旺角來講呢間鋪頭都幾抵食份量都幾多大家午餐不妨嚟呢度試吓