桃子Cafe (已結業)

突然想食蛋包飯，於是收工之後同朋友搵好野食。見到有人推介呢間桃子cafe，就黎試下佢既蛋包飯。蛋包飯黎講選擇頗多，cafe環境都適合閒聊。日式咖喱漢堡蛋包飯 $118安格斯西冷牛肉夠吸引，賣相唔錯，食落咖喱汁香濃，蛋皮軟滑，美中不足的是漢堡肉質未夠軟腍。和風海鮮芝士蛋包飯 $72最驚喜係佢居然有拉絲，芝味十足，夠creamy，不果飯粒本身有啲乾身，如果多啲汁就更美味。柚子蜜青檸梳打 大熱天氣飲最岩，甜度適中，解渴減膩。