真鮨 (已結業)

今日同同事要到尖沙咀見客， 轉眼間又到食飯時間， 本來諗住去美麗華商場找找有冇啲特別好食嘅食物， 誰知經過金巴利道金巴利中心這間Moshi Moshi, 眼見這餐廳的日本菜賣相又幾掂， 結果就走入去試下。餐廳面積雖然不大， 但勝在坐位坐得舒適， 裝修又好有日本feel， 正中間就是廚師表演切魚生的地方。我和同事想食這裏的蛋包飯，但又想食這裏的壽司， 結果分別點了鰻魚蛋包飯和8款壽司套餐, 兩款套餐都跟味噌湯。 這款鰻魚蛋包飯， 賣相吸引至極, 加上濃濃嘅日本咖哩汁,簡直色香味俱全。 味道方面 咖哩汁完全唔辣, 但味道香濃,佐飯食非常惹味。 而鰻魚燒得特別香脆， 沒有半點魚腥味, 肉質嫩滑, 每一啖魚肉都有甜絲絲的感覺。 別忘了這蛋包飯, 蛋實在煮得香滑無比， 蛋汁絲絲滲出, 蛋香味佳， 非常好食。壽司套餐， 有八件不同的壽司， 分別有甜蝦、 芥辣八爪魚軍艦 、北寄貝、 油甘魚、 三文魚 、蟹柳 、 飛魚子和墨魚，款款都係師傅即場手製，特別大件， 味道鮮甜， 食後大滿足。最後這裏的味噌湯也不錯，味太濃，有點清甜帶鮮味的感覺。