Crostini Bakery & Cafe (已結業)

朋友生日，但又唔想食美心東海堂既生日蛋糕，就決定去Crostini買個生日蛋糕試下。紅桑子法式芝士餅蛋糕既設計好靚，同平時見到既好唔一樣，而且蛋糕面既水果同朱古力裝飾好睇又好食，外面紅色既部分係紅桑子啫喱，味道唔算好出，入面係芝士餅，仲有牛油餅碎做餅底，每部分既味道都唔係特別濃，不過同時食的話，個甜度同味道就岩岩好，好夾。每次睇人分蛋糕都覺得好驚險，好怕個蛋糕會散哂，但呢個蛋糕非常易切易分，3個人share岩岩好，食完飽得泥唔會好滯。