麻吉灶咖

營業中

休息中

尖沙咀食肆林立，好耐無喺K11食飯，路過見到呢間台式餐廳，唔使等位就入去試下。近門口位置嘅裝修比較光猛，行入少少有一個比較昏暗嘅區域。我以為會有酒飲啦，點知得罐裝水果啤酒☹️極失望。 🌕🌕🌕🌕🌑三文魚明太子蛋餅🌕🌕🌕🌕🌑黃金茄子🌕🌕🌕🌕🌑招牌麻辣鴨血鍋🌕🌕🌕🌑🌑百香果紅茶 一開始我係畀三文魚明太子蛋餅吸引，其實味道都唔錯嘅，不過對我黎講就太多醬汁。 黃金茄子係揭揭下menu發現幾有趣，都算整得乾身，鹹蛋黃味夠香。 招牌麻辣鴨血鍋就唔太抵食，味道唔錯但係每樣料都係得少少，同埋唔夠辣，唔知係唔係我無講辣度，店員又無問。 百香果紅茶就無乜特別，不過不失。 又黃金茄子又鴨血鍋，無杯啤酒真係弱少少。