蛋哥 (已結業)

星期六到觀塘閒逛，見到有間新餐廳係主打食蛋，所以決定一試。當日下午1:30到餐廳，可能新開，得1枱客。望一望餐牌，有蛋包飯，餐肉蛋飯，其實仲有乾炒牛河同星洲炒米。今日仲有是日推介，芙蓉蛋飯。所有午餐都包一杯熱飲（凍飲加3蚊）。最後叫咗日式蛋包飯同芙蓉蛋飯。呢個蛋包飯唔似一般既日式款，飯係用煙肉同雞粒做炒飯，個蛋就放係面，蛋有牛油味，算滑。另外跟餐有個蒸蛋，不過就一般同唔夠熱。芙蓉蛋飯一上枱都有茶餐廳感覺，食落個蛋唔算好乾，都香囗，算係不錯。餐廳環境簡潔，木系原素為主。杯碟都印有蛋既圖案。另侍應服務良好，中途仲同我地講如果蛋包炒飯唔夠，可以加飯。整體餐廳食物不錯，算係清新版既茶餐廳，可以一試。