Cluck Cluck (已結業)

我記得間嘢啱啱開時，識人食過話海南雞飯麻麻麻哋，所以就冇打算去食。近日竟然有人同我講呢間嘢嘅蜜糖雞扒飯好好味。係好好味喎！咁誇？！家上呢幾排去隔離日常小館食時，成日都見到佢門口好多人等，就去買黎試吓。間嘢淨係得外賣，都真係好多人叫。佢仲做埋熊貓外賣，見佢已經4個男人密密做都好似做唔切，所以都等咗差唔多十分鐘。(上個禮拜等譚仔等咗足足20分鐘，啲阿姐仲懶懶閒，集埋先推出黎，嬲到家下).開個盒覺得個樣正喎。啲雞好似好黑咁，但其實係因為啲汁係黑色的。雞完全唔鞋唔乾，個汁個人好鐘意，因為佢以街外食嘢黎講比較清，唔會太咸或甜，剛剛好。估唔到係佢個飯都好味，連埋佢堆微酸嘅紅蘿蔔絲食真係一流。總結：好快會再食。