euro go go

營業中

休息中

行朗豪坊行到好攰，想坐低順便食個晚餐，我就入左euro go go，因為euro go go既蜜糖雞翼真係會令人食過返尋味啊朋友叫左個蒜香意粉，而我就叫左個卡邦尼意粉，當然要叫個蜜糖雞翼開心share啦～euro go go上菜速度算快，俾完錢10分鐘內已經上左碟雞翼。錫紙盆真係熱到爆，係岩岩係焗爐拎出黎架。淨係賣相都令人垂涎欲滴，雞翼上面淋滿蜜糖先拎去焗，焗出黎表面有光澤，帶啲焦糖色。一咬，熱辣辣唔在講，入面鎖住既雞翼汁出哂黎，皮面仲有少少脆。蜜糖+烤雞呢個配搭真係100分食食下雞翼，主食亦都到左啦～卡邦尼意粉睇落乾身，但料都唔少，火腿煙肉都有落足，而且面頭仲有芝士粉。可惜食落冇我想像中creamy，芝士可以再落多的。