一番風味 (已結業)

今日同男朋友去左灣仔食飯，男朋友鐘意食海鮮，我地搵左間中菜館食個晚餐。男朋友負責點餐，味道好驚喜，我就想寫篇食評讚揚下餐廳！避風塘炒大蝦。避風塘味道夠惹味，味道咸香蝦殻好濃香好濃味，蝦味爽嫩爽口！蝦頭有蝦膏，好鮮甜！蒜蓉粉絲蒸蟶子。粉絲吸哂醬油鮮味，入口嫩口唔會乾身，粉絲伴上醬油夠咸香！蟶子啖啖肉爽口彈牙！蒜蓉炒菜心。菜心爽甜唔會有草青味，加上蒜蓉炒香味道清甜爽口。菜心爽嫩新鮮！夠翠綠！蟹粥霸氣登場！蟹膏煮成粥，粥底夠綿密，蟹味極是濃郁極重，好鮮！